tushiradi
Qozog‘istonning eng mashhur venchur investorlaridan va seriyali tadbirkorlaridan biri bo‘lgan Murat Abdrakhmanov MA7 Ventures nomli yangi ekotizimni ishga tushirganini e’lon qildi. Ushbu kompleks tuzilma MA7 Self-funded Rolling Fund venchur fondi, MA7 Angels Club biznes farishtalar klubi va MA7 Community nomli investorlar, startaperlar va ekspertlar jamoasini o‘z ichiga oladi.
MA7 Ventures loyihasining maqsadi – venchur faoliyatini tizimlashtirish va kengaytirish, deb xabar beradi investorning matbuot xizmati. So‘nggi besh yil ichida Murat Abdrakhmanovning investitsiya portfeli 5 ta faol startapdan 40 dan ortiq faol startaplarga o‘sdi. “Biz fond boshqaruvini aniq biznes jarayonlari asosidagi tizim sifatida ko‘ramiz”, – deya izoh beradi Abdrakhmanov.
MA7 Self-funded Rolling Fund faqatgina Abdrakhmanovning shaxsiy mablag‘lari hisobidan tashkil qilinadi va chetdan investitsiyalar jalb qilinmaydi (LP). Fond hajmi yiliga $4 milliongacha rejalashtirilgan. “Bu mening tanlovim – faqat o‘z mablag‘larim bilan boshqarish va xavf olish,” – deydi tadbirkor.
Fond bilan bir qatorda MA7 Angels Club ham ishga tushirilgan bo‘lib, bu klub boshqa investorlar uchun Murat Abdrakhmanov bilan sindikat formatida startaplarga sarmoya kiritish imkonini beradi. So‘nggi oylarda klub Pioneers, Zeely, Zibra.AI va Hero’s Journey kabi bir nechta loyihaga investitsiya kiritdi. “Klubni ishga tushirish tabiiy qadam edi, chunki menga ko‘plab investorlar maslahat uchun murojaat qilishadi va ular men bilan birga investitsiya qilishni xohlashadi,” – deya izoh beradi Abdrakhmanov.
MA7 Angels Club bosh direktori Eljan Kushekbayev shunday deydi: “Klub doirasida global bozorga chiqishga tayyor yoki keng ko‘lamda o‘sish imkoniyatiga ega startaplarni qo‘llab-quvvatlashni rejalashtiryapmiz. Biz bir loyihaga sindikat formatida $300 mingdan $1 milliongacha investitsiya qilishga tayyormiz. Ambitsiyalarimiz – yil davomida 10-15 ta bitim orqali $10 million sarmoya kiritish. Har bir bitimda Murat ham o‘z mablag‘lari bilan ishtirok etadi.”
MA7 Ventures ushbu yangi ekotizim orqali Qozog‘iston va mintaqada innovatsiyalarni rivojlantirishga o‘z hissasini qo‘shishni rejalashtirmoqda.
4
MA7 Angels Club hozirda 80 nafar investorni jalb qilgan bo‘lib, kelgusi yilda ishtirokchilar sonini 300 nafarga yetkazish rejalashtirilmoqda.
Yangi ekotizimning yana bir qismi – MA7 Community IT-industriyada networking rivojlanishiga yo‘naltirilgan platforma bo‘ladi. Ushbu tashabbus doirasida Tech Venture Regatta va Venture Apres Ski kabi tadbirlar o‘tkazilib, ularda asoschilar, investorlar va ekspertlar tajriba almashish va hamkorlikni yo‘lga qo‘yish imkoniyatiga ega bo‘lishadi. “Biznesda asosiy rolni insonlar o‘ynaydi, shuning uchun bizning maqsadimiz – ularning o‘zaro hamkorligi va jamoani mustahkamlash uchun sharoit yaratish,” – deya ta’kidlaydi Murat Abdrakhmanov.
4
