Mehr bilan yetakchilik: Startup rahbarlarini tayyorlash
So‘nggi uch yil ichida maqsadimiz aniq bo‘ldi: liderlarni yetishtirish. Bizning tashkilotlarimizdan chiqqan ko‘plab insonlar PayPal, Tesla va Google “mafiyalari” kabi o‘z startap loyihalarini yo‘lga qo‘yishni boshlashdi. Bu jarayon bizga juda katta zavq berdi. Lekin bu muvaffaqiyatni erishishda qattiqqo‘l boshqaruv yoki oddiy rahbarlik usullari emas, balki xodimlarga imkoniyatlar yaratish va ularga mehr ko‘rsatish asosiy rol o‘ynadi.
Innovatsiya rivojlanadigan madaniyat
Biz hech qachon xodimlarga qattiq gapirmaymiz. Har bir inson bilan hurmat bilan muomala qilamiz, ularning qadrini bilamiz. Bu oddiy odob emas, balki bizning asosiy qadriyatimiz. Xodimlar o‘zlarini qadrlangan his qilganlarida, ular rivojlanadi, ijod qiladi va o‘z imkoniyatlarini to‘liq namoyon etadi. Biz hech qachon odamlar bilan keskin ohangda gaplashmaymiz, “sensirab” gapirmaymiz. Ish madaniyati biz uchun birinchi o‘rinda turadi.
Imkoniyatlar kuchi
Xodimlarni ishdan bo‘shatish biz uchun eng oxirgi chora. Sababi, biz har doim ularga imkoniyat berishga ishonamiz. Biror xato qilgan xodim bu xato bilan emas, uni o‘nglash imkoniyati bilan o‘sadi. Har bir insonda o‘sish va rivojlanish uchun potensial bor, agar ular to‘g‘ri yo‘naltirilsa.
Bugungi tezkor biznes dunyosida har bir yetakchi bir vaqtlar oddiy xodim bo‘lganligini esdan chiqarmaslik kerak. Biz xodimlarimizga o‘sish yo‘llarini, murabbiylik va o‘zini rivojlantirish imkoniyatlarini taqdim qilamiz. Har bir qiyinchilik bu o‘rganish uchun imkoniyat, har bir mag‘lubiyat esa kuchliroq qaytish imkoniyatidir. Bizning tashkilotda hech kim “keraksiz” emasligini bilganida, ular yanada g‘ayrat bilan ishlaydi va yangiliklar yaratadi.
Mehr bilan yetakchilik
Haqiqiy yetakchilik — bu mehr bilan boshqarishdir. Biznesda ko‘p ishlatilmaydigan bu so‘z, aslida, yetakchilikning markazida turadi. Yetakchilar tug‘ilmaydi, ular mehr va e’tibor bilan shakllantiriladi. Bizning tashkilotda har bir insonga mehr ko‘rsatish ustuvor hisoblanadi. Ularning qiyinchiliklari, orzulari va imkoniyatlarini tushunamiz va ularni amalga oshirishda yordam beramiz.
Bu turdagi yetakchilik xodimlardan loyihalarga, loyihalardan kompaniyaning global maqsadlariga o‘tadigan mehrli bir muhit yaratadi. Yetakchilar qo‘rqitish bilan emas, balki haqiqiy bog‘lanish va qo‘llab-quvvatlash orqali shakllanadi.
Kelajak startap rahbarlarini tayyorlash
Biz bu jarayonni kuzatar ekanmiz, bizning tashkilotdan chiqqan ko‘plab xodimlarning o‘z startaplarini muvaffaqiyatli boshlaganliklarini ko‘rib, shuni angladimki, kompaniyaning haqiqiy merosi uning mahsulotlari yoki xizmatlarida emas, balki yetakchilarini yetishtirishidadir. Ular PayPal, Tesla va Google mafiyalari kabi bu yerda olgan saboqlari bilan o‘z loyihalarini dunyo miqyosida muvaffaqiyatli amalga oshirishga harakat qilishadi.
Bizning haqiqiy maqsadimiz — o‘zimiz ko‘p narsalarga erishish emas, balki kelajakdagi yetakchilarni tayyorlashdir. Ish joyida madaniyat va mehrni ustuvor qo‘yganimizda, haqiqiy innovatsiya va yetakchilik rivojlanadi.
Xulosa qilib aytganda, kuchli startaplar qurishning siri faqat ajoyib g‘oyalar yoki mukammal strategiyalarda emas, balki odamlar o‘zlarining eng yaxshi versiyalari bo‘lishiga sharoit yaratishda yotadi. Bu uzoq jarayon, lekin mevalari rahbarlar bo‘lib o‘sadigan kelajakni shakllantiradi. Bu bizning maqsadimiz: kelajakdagi startup rahbarlari endi Garaj @startupgarageuz dan chiqadi.
Muhabbat bilan boshla, mehr bilan boshqar, imkoniyatlar bilan rivojlantir.
